Երբ ազգայինը թակում է ձեր տան դռները …
Ի՞նչ ծագումնաբանություն ունի ազգային երգը․
Հնուց ի վեր , մարդիկ , տարբեր ժամանանակաշրջաններում իրենց կենցաղից անմասն չեն թողել ազգային երգը: Լինելով ամենահին ժողովուրդներից մեկը ՝ հայ ազգը ունեցել է վառ և ինքնատիպ մշակույթ: Կազմավորվել է հազարամյակների ընթացքում ՝ ազգային խոսակցական լեզվի հետ միառժամանակ: Գյուղերում ազգային երգի տարածումը հիմականում կատարվել է բանավոր ՝ բերնեբերան փոխանցվելով:
Հայ ազգային դասական երաժշտության հիմնադիրներից մեկը՝ Կոմիտասը,իրավացիորեն ասել է .
« Գյուղացու համար երգեցողությունն էլ մի այնպիսի սովորական և բնական
գործողություն է, որպիսին մեզ համար առօրյա խոսակցությունն է. եթե չգրենք այսօրվանարածը, կամ հոգ չտանենք մտքում պահելու, հետո կամ չենք հիշի, կամ շատ-շատ բովանդակությունը կմնա ։ Ժողովուրդն արվեստական երգեցողություն ասած բանը չգիտե. յուրաքանչյուր երգ իր տեղում, իր ժամանակին է ստեղծում կամ սովորում գործի
ժամին՝գործի երգ, տանը՝տանու երգ միայն կասեն…. »
«Ժողովուրդն է ամենամեծ ստեղծագործողը, գնացեք և սովորեցեք նրանից»
Ազային երգն ու պարը «Մխիթար Սեբաստացի» կրթահամալիրի հենասյուններից մեկն է: Ազգային երաժշտությունը կրթահամալիրի առօրյայի և ուսումնառության անբաժանելի մասն է կազմում : Երկրում տիրող արտակարգ իրադրությունը պատճառ դարձավ , որ ուսումնառության կազմակերպումը ֆիզիկական միջավայրից տեղափոխվի առցանց միջավայր : Առցանց ուսուցումը իրենից ներկայացնում է բաց կրթություն մեդիադաշտում: Առցանց-հեռավար ուսուցումը ինձ համար, թերևս, նոր հարթակ էր ինքնակրթվելու, նոր աշխատանքային հմտություններ ձեռք բերելու համար:Ինչևէ , առցանց նախագծային ուսուցումը կազմակերպվեց ընտանեկան միջավայրում,ընտանիքի անմիջական
մասնակցությամբ և արդյունավետորեն:
Մարտի 2-ից 6-ը Հարավային դպրոց-պարտեզում Կոմիտասյան շրջան էր :Առցանց ուսուցման շրջանակներում իրականացվող առաջին «Երաժշտական նախագիծը»
նվիրված էր Կոմիտասին : Սովորողներին հանձնարարված էր կատարել Կոմիտասյան
արդեն իսկ ուսուցանված երգերը :
Նախագծի նպատակն էր ՝
- վերհիշել բոլոր Կոմիտասյան երգերը
- տարածել ազգային երգերը առցանց միջավայրում
- անհատապես ծանոթանալ սովորողի տվյալներին
- զարգացնելմեդիակրթությունը երաժշտական ոլորտում
Կազմվել էին երաժշտական փաթեթեներ , որտեղից սովորողները կարող էին օգտվել:
Կից ներկայացված են փաթեթները .
- Երաժշտական փաթեթ 1-3-րդ դասարանների համար
- Երաժշտական փաթեթ 4-5-րդ դասարաններերի համար
- Մանկական երգերի , խաղերգերի փաթեթ
Արդյունքը գոհացնող էր : Մասնակիցների թիվը 40 և ավելին էին :Սովորողները
արդյունքում ձեռք բերեցին փորձ , կարողացան դրսևորել իրենց այս հարթակում:
Ընտանեկան ջերմ միջավայրը դարձրեցինք է՛լ ավելի գունեղ և հետաքրքիր :
Դե իսկ առցանց-հեռավար ուսուցման երկրորդ շաբաթը իսկական տոն էր յուրաքանչյուր սովորողի ընտանիքում: Նախագիծը ընտանեկան էր և կազմվել էր ոչ միայն սովորողների՝ այլ նաև ընտանիքի անդամների համար :
Նպատակն էր՝
- ազգային երգուսուցումը իրականացնել տանը
- ընտանիքում տարածել ազգային երգը ։
Այս անգամ մասնակիցների թիվը գերազանցեց 60-ը: Նախագիծը կարող ենք համարել ստացված: Արդյունքում ունեցանք սովորողների անհատական կատարումներ ,
որոնք կարող ենք օգտագործել հետագա նախագծերի համար : Նախագծերում իրենց
մասնակցությունն ունեցան նաև հատուկ կարիք ունեցող սովորողները :
Եկեք վայելենք մեր Դավիթի և իր պապիկի հրաշալի կատարումը։
Առցանց ուսուցման նախագծային ուսուցումը շարունակվում է:
Ջուլիետտա Ղազարյան 