«Մխիթար Սեբաստացի» կրթահամալիր
Հանրակրթական ձմեռային ազգագրական փառատոնը ամենամյա բաց ստուգատես է, որին կարող է մասնակցել ցանկացած ոք:
Ձմեռային ազգագրության փառատոնը կազմակերպվում է 6-րդ անգամ:
Փառատոնը նախորդ տարիների կազմակերպածից տարբերվում է ներկայացված թեմատիկ ավելի լայն ուղղություններով, հանրակրթական, ընտանեկան դպրոցների և գործընկերային կապերի ներառումով:
Ազգագրության փառատոնի կազմակեպիչները կրթահամալիրի դպրոցներն են և քոլեջը, մասնախմբերը, ուս. կենտրոնները, համակարգողը՝ Հասմիկ Մաթևոսյանը (էլ. հասցե՝ hasmik.matevosyan@mskh.am , հեռ՝ 093691692 ):
Հարավային դպրոցի համակարգող՝ Ջուլլի Ղազարյան
Ստուգատեսին կարող են մասնակցել անհատներ, խմբեր, դասարաններ, դասարան-ջոկատներ, գործընկեր դպրոցներ՝ Հայաստանից, արտերկրից:
Ստուգատեսն ամփոփվում է հունվարի 26-ին` Ղափամայի համայնքային ծեսով՝ «Մխիթար Սեբաստացի» կրթահամալիրի Մարմարյա սրահում (հասցե՝ Բաբաջանյան 25 )։
Նպատակը
- ազգային մշակույթի յուրացում, փոխանցում, տարածում
Խնդիրներ
- փառատոնի մասնակցության համապատասխան ուղղության ընտրություն, թեմատիկ ուսումնական նյութերի ուսումնասիրություն, հետազոտություն, հավաքագրում, ներկայացում
- «Բլեյան» կրթական ցանցով՝ ազգային փառատոնի հիմքով, կրթամշակութային բաց, լայն, տեսանելի, շոշափելի մշակութային երկխոսության, կամուրջների, կապերի ստեղծում, տարածում
- կրթահամալիրի ուսումնական օրացույցից ելնելով` գործուն, երկարաժամկետ, շուրջտարյա, համագործակցային, միջառարկայական, ուսումնական, հեղինակային նախագծերի իրականացում
Մասնակիցներ
կրթահամալիրի սովորողներ, դասավանդողներ, ծնողներ, ընտանեկան դպրոցներ, Երևանի, մարզերի պատանի ստեղծագործողներ, ստեղծագործական խմբեր, ուսումնական հաստատությունների սովորողներ, անհատ արվեստագետներ, այլք
Անցկացման ժամանակահատվածը՝ հունվարի 8-26, 2024 թ.
Թեմա՝ պար, խոհանոց, գյուղի, քաղաքի ֆոլկլոր
Ազգագրության փառատոնի ուղղություններ
Պարեր
- ազգային պարեր, պարերգեր
- ձմեռային տոներ, ծեսեր
- ազգային խաղեր
- տարածաշրջանային պարեր
- պարային կենցաղ, ատրիբուտներ
- տարազ
- պարային սովորույթներ, հավատալիքներ, ավանդույթներ
- ծիսական, թեմատիկ պարեր
- օտար լեզուներով թարգմանություններ, այլ երկրների պարային ազգագրություն
- պարային թեմատիկ տեխնոլոգիա, քանդակ, նկարչություն և այլն
- միջավայրի ծիսականացում, ազգային էլեմետների հավելում տեխնոլոգիական գործունեության միջոցով
- քաղաքային քայլքով երաժշտապարային ֆլեշմոբեր
- պարային երևելիներ
- պարային նյութերի, փաթեթների ստեղծում, թվայնացում, արխիվացում
- այլ
Խոհանոց
- ազգային խոհանոց
- ծիսական խոհանոց
- տարածաշրջանային խոհանոց
- հյուրասիրություն, հյուրընկալություն
- խոհանոցային սովորույթներ, ավանդույթներ, հավատալինքներ
- նիստուկաց, բարեմաղթանքներ, կենացներ
- խոհանոցային կենցաղավարություն
- կինը խոհանոցում
- խոհանոցային թեմատիկ տեխնոլոգիա, քանդակ, նկարչություն և այլն
- միջավայրի ծիսականացում, ազգային էլեմետների հավելում տեխնոլոգիական գործունեության միջոցով
- կրթահամալիրի արտադրությամբ ուսուցման թեմատիկ նախագծեր
- օտար լեզուներով թարգմանություններ, այլ երկրների խոհանոցային ազգագրության
- խոհանոցային երևելիներ
- խոհարարական նյութերի, բաղադրատոմսերի, փաթեթների ստեղծում, թվայնացում, արխիվացում
- այլ
Գյուղի, քաղաքի ֆոլկլոր
Բանահավաքչություն, հետազոտություն, հայրենագիտական ճամփորդություն, այլ
- գյուղի, քաղաքի փողոց, բակ, տուն և այլն
- արհեստներ, մասնագիտություններ
- սովորույթներ, հավատալիքներ, ավանդություններ
- գերդաստան, տոհմածառ, ընտանիք
- բարեմաղթանքներ, օրհնանքեր, անեծքներ, հանելուկներ, անեկդոտ, առածներ, ասացվածքներ
- բարբառներ
- հեքիաթ, ավանդապատում
- երգեր, պարեր, խաղեր
- տարազ
- խոհանոց
- թատրոն, թանգարան, ժողովրդական տուն, վարպետաց տուն
- թեմատիկ նյութերի, փաթեթների ստեղծում, թվայնացում, արխիվացում
- քաղաքային քայլքով երաժշտապարային, բանաստեղծական ֆլեշմոբեր
- այլ
Ազգագրության փառատոնի մասնակցության ձևեր
- համերգ, ներկայացում, ցուցադրություն, նորամուտ, ծես
- թեմատիկ հանդիպումներ, քննարկումներ, կլոր սեղան
- արտագնա ճամփորդություններ, այցեր, փոխայցելություններ,
- բաց դաս, լաբորատոր գործունեություն, վարպետաց դասեր
- ուսումնական նյութերի, փաթեթների ստեղծում, հանրայնացում, տարածում
Աշխատակարգ
Դեկտեմբերի 28-հունվարի 8
Ստուգատեսի գովազդի, հայտարարության տարածում, ստուգատեսային մեդիաբացիկների, պատկերանշանների մրցույթ-շքերթ, գործընկեր դպրոցներին ստուգատեսային շնորհավորանք-հրավերների փոխանցում:
Հունվարի 8-հունվարի 26
Անհատական, խմբային, դասարանական, դպրոցական, ընտանեկան մասնակցության հայտերի գրանցում, նյութերի հրապարակում, վարպետության դասերի լուսաբանում ուսուցիչների և սովորողների բլոգներում, անհատական կայքերում, mskh.am-ում, այլ սոցցանցերում:
Փառատոնային օրացույց․․․(լրացվող)
Ջուլիետտա Ղազարյան 